JA SAKʼANIL JA YAʼTIJUM DYOS
Mok el jganatik smajlajel
¿Janekʼxa tyempo wana smajlajel oj jakuk ja sGobyerno ja Dyosi? ¿Wana maʼ smajlajel sok pasensya ama ay wokolik? (Ro 8:25). Jujuntik Taʼumantiʼ wa x-ilkʼujolajiye, ixta wa x-iljiye, wa xlutjiye preso ma ayni ekʼele wa xiwtajiye oj miljuke. Sok tuk wane yijel wokol yuj jun chamel mey yajnal ma jani yuja awelexa.
¿Jas oj jkʼuluktik bʼa mok el jganatik smajlajel ama chikan jas x-ekʼi? Jel tʼilan oj katik tsatsbʼuk ja skʼuʼajel kiʼojtik skʼumajel ja Biblia sok spensarajel sbʼaja jas jkʼumantikta spetsanil ja kʼakʼujik, sok ja wajel jkʼujoltik ja smajlajel kiʼojtiki (2Co 4:16-18; Heb 12:2). Cha jel tʼilan oj jpatikyi skʼujol ja Jyoba bʼa oj yakitik ja yipi (Lu 11:10, 13; Heb 5:7). Ja kala lekil jTatiki oj skoltayotik bʼa oj kuchkujtik yibʼanal sok pasensya sok gusto (Col 1:11).
KʼELA JA BIDEO TʼILANI OJ KUCHKUJTIK JA AJNEL: LA JIPJKʼUJOLTIK BʼA OJ JKʼULTIK GANAR JA AJNELI, SOK AYI SJAKʼJEL JA SJOBʼJELIK IT:
¿Jastik oj bʼobʼ ekʼ jbʼajtik bʼa mi wantik smajlajel? (Ec 9:11).
¿Jastal wa skoltayotik ja orasyon bʼa oj kuchkujtik ja wokolik?
Ta mi xlajxikujtik skʼulajel mas bʼa Jyoba ja jastal ajyi, ¿jas yuj ja oj waj jkʼujoltik ja bʼa wa xbʼobʼkujtiki?
Aʼakʼujol jawa tsʼakoli.
¿Jas oj skoltaya ja weʼn bʼa moka wakan sjipjel akʼujol bʼa ojni akʼul ganar?