La kabʼtik syajal ja tuki

Ja yabʼjel syajal ja tuk jani yabʼjel stojol ja jas wa spensarane ja tuk, ja jastal wa xyabʼ aye, ja jas jel chaʼanyabʼal xyilawe soka jas wa xmakuniyujile. Ja yabʼjel syajal ja tuk wani xchiknaji yujni wa x-ajyi jun meran kʼankʼunel bʼa syajtajel ja tuk. Ta wa xjeʼatik wa xkabʼtik syajal ja tuk ja bʼa xcholjeli, wantikni snochjel ja yajtanel yiʼoj ja Jyoba sbʼaja kristyanoʼiki, sok ja jaw wa x-ijiye och bʼa oj skʼan-e oj snaʼe sbʼaj (Flp 2:4).

Ja yabʼjel syajal ja tuk mi jun modoʼuk bʼa sjejel. Tini wa xchiknaji ja jastal wa xmaklaytik, ja jastal wala kʼumanitik, ja jmodotik, ja jniʼ satik sok ja bʼa yaljelik wa xkalatiki. Sok wa xjeʼatik bʼa tuktukil modo: la chamjkʼujoltik meran sbʼaja kristyano, la ka tʼabʼan jkʼujoltik ja jas wa xyiʼaj gusto, ja jas wa skʼuʼan, ja jastik wa x-ekʼ sbʼaji, yajelyi rasonik sok skoltajel, pe mini oj tʼentik. Yajni ja kristyanoʼik bʼa xcholotik yabʼye wa skisawe ja wa xkoltaytike, masni wala gustoʼaxitik ja bʼa xcholjeli.

YAJNI ILXITA JA BIDEO JA GUSTOʼIL BʼA XCHAPJEL NEBʼUMANIK. LA JTOJBʼESTIK LEK JA JAS KʼAJYELXA WA XKʼULANTIK: LA JETIK WA XKABʼTIK SYAJAL JA TUKI. AYI SJAKʼJEL JA SJOBʼJELIK IT:

• 

  ¿Jastal sjeʼa ja Rita wa xyabʼ syajal ja tuk yajni tarde kʼot ja Coral?

• 

  ¿Jastal sjeʼa ja Rita wa xyabʼ syajal ja tuk yajni ja Coral yala jel estresada ay bʼa skʼuljel estudiar?

• 

  ¿Jastal sjeʼa ja Rita wa xyabʼ syajal ja tuk yajni ja Coral yala mi sbʼajuk ja ajyel tulan jachani?