4 Na Jehova i tokim Moses olsem: “Mi bai mekim bret i pundaun long skai olsem ren.+ Na olgeta manmeri i mas go na kisim kaikai long olgeta wan wan de+ inap long skel bilong ol. Mi mekim olsem bilong lukim sapos ol bai bihainim lo bilong mi o nogat.+

2 Yupela i mas tingim longpela rot em Jehova, God bilong yupela, i bin mekim yupela i wokabaut long en inap 40 yia long ples nating.+ Em i mekim olsem bilong skulim yupela long kisim pasin daun na bilong traim yupela+ na bai em i ken save wanem samting i stap long bel bilong yupela,+ olsem bai yupela i bihainim ol lo bilong em o nogat.