25 Ol i kisim sampela kaikai bilong dispela ples na bringim i kam bek long yumi, na ol i tok olsem, ‘Graun em Jehova, God bilong yumi, i laik givim yumi em graun i gat planti gris.’+

7 Jehova, God bilong yupela, bai bringim yupela i go insait long gutpela graun,+ em graun i gat ol wara i ron, ol hulwara, na ol wara aninit long graun* i kam antap na i ron long bikpela hap graun long veli na long ol ples maunten, 8 em graun i gat ol wit na bali, ol rop wain, ol diwai fik, na ol pomigranet,*+ em graun i gat ol diwai oliv na hani,+ 9 em graun we i no sot long kaikai na yupela bai i no sot long wanpela samting, em graun we ol ston i gat ain, na long ol maunten bilong en, yupela bai painim na kisim kopa.