9 Na ol Israel i singaut long Jehova long helpim ol,+ na Jehova i makim wanpela man bilong kisim bek ol.+ Dispela man em Otniel,+ pikinini man bilong Kenas. Kenas em liklik brata bilong Kalep. 10 Spirit bilong Jehova i kam i stap long em+ na em i kamap hetman bilong Israel. Taim em i go pait, Jehova i givim Kusan-risataim, king bilong Mesopotemia,* long han bilong em na em i daunim Kusan-risataim.

29 Orait spirit bilong Jehova i kam stap long Jepta,+ na em i wokabaut i go long Gileat na Manase na i go long Mispe bilong Gileat.+ Na em i lusim Mispe bilong Gileat na wokabaut i go moa long graun bilong ol Amon.

24 Bihain meri bilong Manoa i karim wanpela pikinini man na i kolim nem bilong em, Samson;+ na taim dispela pikinini i wok long kamap bikpela, Jehova i wok yet long blesim em. 25 Bihain spirit bilong Jehova i kirapim tingting bilong Samson+ taim em i stap long Mahana-dan,+ namel long Sora na Estaol.+

6 Na spirit bilong Jehova i givim strong long Samson,+ na em i brukim dispela laion long tupela hap, olsem man i yusim han bilong em long brukim wanpela yangpela meme long tupela hap. Tasol Samson i no tokim papa na mama bilong em long samting em i bin mekim.

14 Taim em i kam kamap long Lehi, ol Filistia i kam bungim em na ol i singaut bikpela na amamas. Orait spirit bilong Jehova i givim strong long em+ na ol rop long han bilong em i kamap olsem tret em paia i kukim na ol i pundaun i go daun.+

6 Orait em i bekim tok bilong mi olsem: “Jehova i givim dispela tok long Serubabel: “‘I no long strong bilong ami o long strong bilong ol man,+ nogat. Tasol long rot bilong spirit bilong mi+ ol dispela samting bai kamap,” Jehova, bosman bilong bikpela lain ami* i mekim dispela tok.