15 Na tu, em i brukim na bagarapim alta long Betel, na ples lotu* em Jeroboam, pikinini man bilong Nebat, i bin wokim na dispela i pulim ol Israel long mekim sin.+ Taim em i brukim pinis dispela alta na ples lotu, em i kukim dispela ples lotu na memeim i kamap olsem das na em i kukim pos bilong lotu.*+

16 Josaia i tanim na em i lukim ol matmat antap long maunten na em i tok na ol i kisim ol bun bilong ol daiman long ol dispela matmat na kukim ol dispela bun antap long alta, na long dispela pasin em i mekim na alta i no gutpela moa bilong mekim lotu. Ol dispela samting i kamap olsem Jehova i bin tokim wokman bilong God tru, na wokman i tokaut olsem ol dispela samting bai kamap.+

33 Josaia i rausim olgeta stingpela imis* long olgeta graun bilong Israel.+ Na em i kirapim olgeta manmeri long Israel long lotuim Jehova, God bilong ol. Na long laip olgeta bilong em,* ol manmeri i strong long bihainim Jehova, God bilong ol tumbuna papa bilong ol, na ol i no lusim em.