20 Bihain Rehoboam i maritim Maka, tumbuna pikinini meri bilong Apsalom.+ Na Maka i karim Abiya,+ Atai, Saisar, na Selomit. 21 Rehoboam i laikim tru Maka dispela tumbuna pikinini meri bilong Apsalom, winim ol arapela meri na nambatu lain meri bilong em.+ Rehoboam i maritim 18 meri na em i gat 60 nambatu lain meri. Na em i gat 28 pikinini man na 60 pikinini meri. 22 So Rehoboam i makim Abiya, pikinini man bilong Maka, i stap hetman na lida namel long ol brata bilong em, long wanem, Rehoboam i laik mekim em i kamap king.