31 Dispela em lista bilong ol man Devit i bin makim bilong bosim singsing long haus bilong Jehova bihain long Bokis Kontrak i kam stap long en.+

33 Dispela em ol man husat i mekim wok wantaim ol pikinini man bilong ol: Long lain Kohat, Heman+ em i wanpela singa. Heman em i pikinini man bilong Joel, na Joel+ em i pikinini man bilong Samuel.

16 Na Devit i tokim ol hetman bilong ol Livai long makim ol man long lain bilong ol, em ol singa, long singsing amamas na paitim ol instramen bilong mekim musik: ol kain kain instramen i gat string, ol harp,*+ na ol simbol.+

17 So ol dispela Livai i makim namel long lain bilong ol, Heman,+ pikinini man bilong Joel, Asap,+ pikinini man bilong Berekaia, na Etan,+ pikinini man bilong Kusaia, long lain famili bilong Merari.