20 Na em i kisim olgeta man em ol i no bin dai long bainat na bringim ol i go kalabus long Babilon.+ Na ol i kamap wokboi bilong em+ na bilong ol pikinini man bilong em, i go inap long taim kingdom bilong Persia i kirap mekim wok bos,+ 21 dispela i truim tok bilong Jehova em Jeremaia i bin autim,+ inap long graun i malolo gut.* Long olgeta de graun i stap nating, em i inapim ol sabat bilong en,+ bilong inapim 70 yia.+