31 Bikos ol god* bilong ol i no olsem God bilong yumi, em dispela Bikpela Ston,+

Ol birua bilong yumi tu i save gut long dispela samting.+

32 I no gat wanpela God i olsem Jehova.+

God bilong yumi i olsem bikpela ston na i no gat wanpela i olsem em.+

33 God tru em i strongpela ples hait bilong mi,+

Na em i save stretim rot bilong mi long wokabaut.+

34 Em i mekim lek bilong mi i spit tru olsem lek bilong dia;

Na em i mekim mi i sanap gut antap long ol sap maunten.+

35 Em i skulim han bilong mi long pait;

Olsem na mi inap taitim banara ol i wokim long kopa.

36 Yu givim mi hap plang bilong yu long pait bilong kisim bek mi,

Pasin bilong yu long daunim yu yet i mekim mi i gat biknem.+

37 Yu stretim gut rot bilong mi long wokabaut;

Olsem na mi wokabaut na lek bilong mi i no wel.+

38 Mi bai ranim ol birua bilong mi na bagarapim ol;

Mi bai mekim save long ol inap mi pinisim ol olgeta.

39 Na mi bai pinisim ol olgeta na memeim ol, bai ol i no ken kirap;+

Mi bai krungutim ol long lek bilong mi.

40 Yu givim mi strong bilong pait;+

Na yu bai mekim ol birua bilong mi i pundaun long ai bilong mi.+

41 Yu bai mekim ol birua bilong mi i lusim mi na ranawe;*+

Mi bai pinisim* ol man i no laikim mi.+

42 Ol i singaut long wanpela i helpim ol, tasol i no gat wanpela man i stap bilong helpim ol;

Na ol i krai long Jehova, tasol em i no harim krai bilong ol.+

43 Mi bai bagarapim ol tru na ol bai i kamap olsem das bilong graun;

Na mi bai mekim save long ol na krungutim ol olsem mi krungutim graun malumalum long rot.