44 “‘Ol man bai baim graun long mani, na ol bai raitim pepa bilong kontrak bilong baim graun na putim mak bilong ol long en na ol bai singautim ol man i kam bilong lukim. Dispela bai kamap long graun bilong lain Benjamin+ na long ol ples i stap klostu long Jerusalem, na long ol taun bilong Juda,+ na long ol taun i stap long ol ples maunten, na long ol taun i stap long ples daun,+ na long ol taun i stap long hap saut. Long wanem, mi bai bringim i kam bek ol manmeri bilong ol i bin i go kalabus,’+ Jehova i tokaut olsem.”