Wastaua INTENET LAIBRERI

Wastaua INTENET LAIBRERI

INTENET LAIBRERI

Aisaia 21:9

Nupela Taim Trenslesen Bilong Ol Skripsa Holi
- 9 Lukim dispela samting i wok long kam:
  
  Ol man i sindaun long karis bilong pait wantaim ol hos!”+
  
  Bihain em i singaut strong na tok:
  
  “Dispela meri i pundaun pinis! Babilon i pundaun pinis!+
  
  Olgeta imis bilong ol god bilong em i brukbruk na slip nabaut long graun!”+

Jeremaia 51:8

Nupela Taim Trenslesen Bilong Ol Skripsa Holi
- 8 Tasol wantu Babilon i pundaun na i bruk.+
  
  Krai sori long em!+
  
  Kisim balsam* bilong pinisim pen bilong em; ating em bai kamap orait.”

Jeremaia 51:31

Nupela Taim Trenslesen Bilong Ol Skripsa Holi
- 31 Wanpela man bilong bringim tok i ran i go na narapela tu i ran i kam,
  Na wanpela man bilong bringim toksave i ran i go na narapela tu i ran i kam,
  Bilong toksave long king bilong Babilon olsem ol birua i kisim pinis olgeta hap bilong taun,+

Jeremaia 51:39

Nupela Taim Trenslesen Bilong Ol Skripsa Holi
- 39 “Taim bel bilong ol i kirap, mi bai redim wanpela bikpela kaikai bilong ol na mekim ol i spak,
  Na bai ol i amamas;+
  Na ol bai i slip olgeta,
  Na ol bai i no inap kirap gen,”+ Jehova i tokaut olsem.

Jeremaia 51:57

Nupela Taim Trenslesen Bilong Ol Skripsa Holi
- 57 Mi bai mekim ol bikman bilong em na ol saveman bilong em i spak,+
  Na tu, ol gavana bilong em na ol ofisa bilong em na ol strongpela soldia bilong em,
  Na ol bai i slip olgeta,
  Na ol bai i no inap kirap gen,”+ dispela King, nem bilong em Jehova, bosman bilong bikpela lain ami, i tokaut olsem.