24 Long dispela as, man bai lusim papa na mama bilong em na em bai pas wantaim* meri bilong em, na tupela bai kamap wanpela bodi.+

32 Tasol mi tokim yupela olsem, sapos meri i no mekim pasin pamuk* na man bilong em i katim nating marit, orait dispela inap mekim meri i pundaun long pasin adaltri.* Na sapos wanpela man i maritim meri em man bilong em i bin katim nating marit wantaim em, orait dispela man i mekim pasin adaltri.+

8 Em i tokim ol: “Het bilong yupela i strong, olsem na Moses i larim yupela i katim marit.+ Tasol long pastaim tru i no gat kain pasin olsem.+ 9 Mi tokim yupela, sapos meri i no mekim pasin pamuk* na man i katim marit na maritim narapela meri, orait dispela man i mekim pasin adaltri.”*+

5 Tasol Jisas i tokim ol: “Em i raitim dispela lo long yupela,+ long wanem, het bilong yupela i strong.+ 6 Kirap long taim God i wokim ol man long graun, ‘Em i wokim ol i kamap man na meri.+ 7 Olsem na man bai lusim papa na mama bilong em,+ 8 na tupela bai kamap wanpela bodi.’+ Tupela i no stap olsem tupela moa, ol i kamap wanpela bodi tasol. 9 Olsem na samting God i pasim pinis, man i no ken katim.”+