• Aisaia 29:14
    Nupela Taim Trenslesen Bilong Ol Skripsa Holi

    • 14 Olsem na mi dispela Man tasol bai mekim gen ol gutpela samting tru long ol dispela manmeri,+

      Ol narakain samting tru;

      Na savetingting bilong ol saveman bilong ol bai pinis,

      Na ol man bilong ol i gat gutpela tingting, pasin bilong ol long kliagut long ol samting bai pinis.”+

  • Matyu 13:15
    Nupela Taim Trenslesen Bilong Ol Skripsa Holi

    • 15 Long wanem, bel bilong ol dispela manmeri i pas, na long yau ol i harim tok, tasol ol i no mekim wanpela samting. Na ol i pasim pinis ai bilong ol, nogut ai bilong ol i lukim samting na yau bilong ol i harim tok na bel bilong ol i kisimgut mining na ol i tanim i kam bek, na mi mekim ol i kamap orait.’+

  • Luk 10:21
    Nupela Taim Trenslesen Bilong Ol Skripsa Holi

    • 21 Long dispela taim stret, amamas na holi spirit i pulap long em na em i tok: “Papa, Bikpela bilong heven na graun, mi litimapim nem bilong yu long ai bilong ol man. Long wanem, yu bin haitim gut ol dispela samting long ol man i gat savetingting na ol klevaman,+ na yu bin kamapim long ol man i stap olsem ol liklik pikinini. Yes, Papa, dispela i stret wantaim laik bilong yu.+

  • 1 Korin 1:27
    Nupela Taim Trenslesen Bilong Ol Skripsa Holi

    • 27 Tasol God i makim ol samting bilong dispela graun em ol man i ting i longlong samting na bai em i ken mekim ol saveman i sem; na God i makim ol samting bilong dispela graun em ol man i ting i no gat strong na bai em i ken mekim ol samting i gat strong i kisim sem;+