11 Nau Jisas i sanap long ai bilong gavana na gavana i askim em: “Yu King bilong ol Juda, a?” Na Jisas i tok: “Yu yet yu tok olsem.”+ 12 Ol bikpris na ol hetman i sutim tok long em, tasol em i no bekim wanpela tok.+ 13 Na Pailat i tokim em: “Ating yu no harim hamas tok ol i sutim long yu?” 14 Tasol Jisas i no bekim wanpela tok long em, olsem na gavana i kirap nogut tru.

3 Orait Pailat i givim dispela askim long em: “Yu King bilong ol Juda, a?” Na em i bekim tok olsem: “Yu yet yu tok olsem.”+