2 Na lukim! ol i bringim wanpela paralais man i kam, em i slip long bet. Jisas i lukim bilip bilong ol na em i tokim dispela man: “Pikinini, strongim bel! Ol sin bilong yu i tekewe.”+

3 Na ol i bringim wanpela paralais man i kam, em 4-pela man i karim em.+ 4 Ol i no inap bringim em i go stret long Jisas, long wanem, bikpela lain manmeri i stap. Olsem na ol i wokim hul long rup bilong haus long hap we Jisas i stap long en, na ol i slekim bet em paralais man i slip long en i go daun. 5 Taim Jisas i lukim bilip bilong ol,+ em i tokim dispela man: “Pikinini, ol sin bilong yu i tekewe.”+ 6 I gat sampela saveman bilong Lo i sindaun i stap na long bel ol i tingting olsem:+ 7 “Bilong wanem dispela man i tok olsem? Em i daunim God. Husat inap fogivim ol sin? Em God tasol, a?”+ 8 Kwiktaim Jisas i luksave olsem ol i gat dispela tingting na ol i toktok namel long ol yet, olsem na em i tokim ol: “Bilong wanem yupela i gat dispela tingting i stap long bel bilong yupela?+ 9 Wanem tok em isi moa long mekim long dispela paralais man, ‘Ol sin bilong yu i tekewe,’ o ‘Kirap sanap na kisim bet bilong yu na wokabaut’? 10 Tasol mi laik bai yupela i save olsem Pikinini bilong man+ i gat namba long lusim ol sin long graun—”+ em i tokim paralais man: 11 “Mi tokim yu, kirap sanap, kisim bet bilong yu, na go long haus bilong yu.” 12 Orait dispela man i sanap na kwiktaim em i kisim bet bilong em na long ai bilong olgeta manmeri em i wokabaut i go. Ol manmeri i kirap nogut na ol i givim glori long God na tok olsem: “Man! Mipela i no bin lukim kain samting olsem long bipo.”+