• Aisaia 53:7, 8
    Nupela Taim Trenslesen Bilong Ol Skripsa Holi

    •  7 Ol i bin mekim nogut long em+ na em i larim ol i givim pen long em,+

      Tasol em i no opim maus bilong em.

      Ol i bringim em i go olsem wanpela sipsip bilong kilim i dai,+

      Olsem wanpela sipsip meri i no save krai taim ol i katim gras bilong en,

      Na em i no opim maus bilong em.+

       8 Bikos ol i no bin mekim stretpela kot* long em, ol i kisim em i go;

      Na husat bai tingting long painimaut ol infomesen bilong lain tumbuna bilong em?*

      Ol i pinisim em long graun bilong ol man i stap laip;+

      Bikos long sin bilong ol manmeri bilong mi, ol i bin wipim em.*+

  • Daniel 9:26
    Nupela Taim Trenslesen Bilong Ol Skripsa Holi

    • 26 “Na bihain long 62 wik, ol bai kilim Mesaia i dai,+ na i no gat wanpela samting bilong em i stap.+

      “Na bikpela lain ami bilong wanpela lida husat bai kam, ol bai bagarapim taun na ples holi.+ Na pinis bilong en bai kamap long rot bilong tait wara. Na i go inap long taim bilong pinis bai i gat woa; na God i makim pinis olsem ol samting bai bagarap i stap.+

  • Aposel 4:27, 28
    Nupela Taim Trenslesen Bilong Ol Skripsa Holi

    • 27 Tru tumas, Herot na Pontius Pailat+ na ol man bilong ol arapela kantri na ol manmeri bilong Israel, ol i kam bung wantaim long dispela taun na birua long Jisas, em wokman holi bilong yu, em man yu bin anointim.+ 28 Ol i bung wantaim bilong mekim ol samting em strong na laik bilong yu i bin makim long kamap.+