24 Na Jisas i tok: “Lusim dispela ples, dispela liklik gel i no dai, em i slip tasol.”+ Na ol i lap long em. 25 Taim bikpela lain manmeri i go ausait pinis, em i go insait na holim han bilong liklik gel+ na liklik gel i kirap.+

14 Na em i go na tatsim bet ol i karim bodi long en, na ol man i karim bet ol i sanap. Na em i tok: “Yangpela man, mi tokim yu, kirap!”+ 15 Na dispela man i dai pinis, em i kirap sindaun na stat long toktok. Na Jisas i givim em bek long mama bilong em.+

43 Em i mekim ol dispela tok pinis na em i singaut strong olsem: “Lasarus, yu kam ausait!”+ 44 Orait dispela man husat i dai pinis em i kam ausait, na laplap i karamapim lek na han bilong em na wanpela laplap i karamapim pes bilong em. Jisas i tokim ol: “Rausim ol laplap na larim em i go.”