19 “Ol daiman bilong yu bai stap laip.

Bodi bilong ol manmeri bilong mi i dai pinis* bai kirap sanap.+

31 Ating yupela i no ritim tok God i bin mekim long yupela long kirap bek bilong ol man i dai pinis, a? Em i tok olsem: 32 ‘Mi God bilong Abraham na God bilong Aisak na God bilong Jekop.’+ Em i no God bilong ol man i dai pinis, nogat, em i God bilong ol man i stap laip.”+

13 Taim yu wokim wanpela kaikai, singautim ol lain i stap rabis, ol lain i gat bagarap long bodi, ol lek nogut, na ol aipas.+ 14 Na yu bai amamas, long wanem, ol i no gat samting bilong bekim bek long yu. Yu bai kisim pe bilong yu long taim ol stretpela man i kirap bek.”+

28 No ken kirap nogut long dispela, long wanem, taim i laik kamap na olgeta man i stap long matmat* ol bai harim nek bilong Pikinini+ 29 na kam ausait. Ol man i bin mekim ol gutpela pasin, kirap bek bilong ol em bilong kisim laip, na ol man i bin mekim ol stingpela pasin, kirap bek bilong ol em bilong kisim kot.+

25 Jisas i tokim em: “Kirap bek em mi yet na laip em mi yet.+ Man i bilip long mi, maski em i dai, em bai kisim laip gen.

35 Sampela meri i kisim bek ol wanfamili bilong ol long rot bilong kirap bek.+ Tasol sampela man i kisim pen na dai, long wanem, ol i no orait long lusim bilip bilong ol na bai ol i kamap fri, ol i mekim olsem bai ol i ken kisim dispela kirap bek i gutpela moa.

12 Na mi lukim ol man i dai pinis, em ol man i gat nem na ol man nating, ol i sanap long ai bilong sia king, na God i opim ol skrol. Na em i opim tu narapela skrol; em skrol bilong laip.+ Na man i sindaun long sia king i lukim rait i stap long ol dispela skrol na em i skelim ol man i dai pinis long pasin ol i bin mekim.+