28 Jisas i tokim ol: “Mi tok tru long yupela: Long taim bilong wokim ol samting i kamap nupela, taim Pikinini bilong man i sindaun long sia king bilong em, yupela ol man i bin bihainim mi, yupela tu bai sindaun long 12-pela sia king, na stap olsem jas na skelim 12-pela traib bilong Israel.+

28 “Yupela i bin pas wantaim mi+ taim ol traim i painim mi.+ 29 Na mi mekim kontrak wantaim yupela long wanpela Kingdom, olsem Papa i bin mekim wanpela kontrak wantaim mi long wanpela Kingdom.+ 30 Na yupela i ken kaikai na dring long tebol bilong mi long Kingdom bilong mi,+ na sindaun long ol sia king+ na stap olsem jas na skelim 12-pela traib bilong Israel.+

21 Man i winim pait,+ mi bai orait long em i sindaun wantaim mi long sia king bilong mi.+ Wankain olsem mi tu mi bin winim pait na sindaun+ wantaim Papa bilong mi long sia king bilong em.

4 Na mi lukim ol sia king, na ol lain i sindaun i stap long ol dispela sia king, God i givim namba long ol long mekim wok jas. Yes, mi lukim ol manmeri* em ol man i bin kilim ol i dai,* long wanem, ol i bin tokaut long Jisas na ol i bin autim tok bilong God, na ol manmeri em ol i no bin lotuim wel animal na piksa bilong en, na ol i no bin kisim mak long poret bilong ol na long han bilong ol.+ Ol i kisim laip gen na mekim wok king wantaim Krais+ inap long 1,000 yia.