Buk Song
115 O Jehova, mipela i no ken litimapim nem bilong mipela yet, nogat,
Mipela i mas litimapim nem bilong yu tasol.+
Long wanem, yu man bilong mekim gutpela pasin laikim* na yu no save lusim mipela.+
2 Bilong wanem ol arapela lain i save askim olsem:
“God bilong ol i stap we?”+
3 God bilong mipela i stap long heven.
Na sapos em i laik mekim wanpela samting, orait em i save mekim tasol.
4 Ol i wokim ol imis bilong ol long gol na silva,
Em ol man tasol i bin wokim.+
5 Ol i gat maus, tasol ol i no inap toktok;+
Ol i gat ai, tasol ol i no inap lukluk;
6 Ol i gat yau, tasol ol i no inap harim toktok;
Ol i gat nus, tasol ol i no inap smelim samting;
7 Ol i gat han, tasol ol i no inap holim wanpela samting;
Na ol i gat lek, tasol ol i no inap wokabaut;+
Na ol i no inap mekim wanpela singaut o krai long nek bilong ol.+
8 Ol manmeri i wokim ol, ol i ken kamap wankain olsem ol dispela imis.+
Na ol manmeri i save bilip long ol, ol tu i ken kamap wankain olsem ol.+
9 Yupela Israel, yupela i mas trastim Jehova,+
Em i olsem hap plang bilong yupela long pait na em i save helpim yupela.+
10 Yupela ol lain tumbuna pikinini bilong Aron,+ yupela i mas trastim Jehova,
Em i olsem hap plang bilong yupela long pait na em i save helpim yupela.
11 Yupela ol manmeri i save pret long Jehova, yupela i mas trastim Jehova,+
Em i olsem hap plang bilong yupela long pait na em i save helpim yupela.+
12 Jehova i save tingim mipela na mekim gut long mipela;
Em bai blesim ol lain tumbuna pikinini bilong Israel;+
Em bai blesim ol lain tumbuna pikinini bilong Aron.
13 Jehova bai blesim ol manmeri i save pret long em,
Ol manmeri i gat nem na ol manmeri i no gat nem.
14 Jehova bai mekim yupela i kamap planti,
Em bai givim planti pikinini long yupela na long ol pikinini* bilong yupela tu.+
17 Ol man i dai pinis, ol i no save preisim Ja;+
Ol man i stap long matmat, ol tu i no save mekim olsem.+
18 Tasol yumi bai preisim Ja
Long nau na i go inap oltaim oltaim.
Preisim Ja!*