Buk Song
74 God, wai na yu givim baksait olgeta long mipela?+
Wai na yu belhat long ol sipsip yu save lukautim?+
Tingim Maunten Saion, em yu bin stap long en.+
3 Yu kam lukim dispela ples i bagarap olgeta.+
Ol birua i bagarapim pinis olgeta samting long ples holi bilong yu.+
4 Ol birua bilong yu i singaut strong insait long ples bilong mekim lotu long yu.*+
Na ol i sanapim ol sain bilong ol yet long dispela hap.
5 Ol i olsem ol man i katim ol diwai long bikbus long tamiok.
6 Ol i yusim ol tamiok na kroba long brukim ol piksa+ bilong haus bilong yu.
7 Ol i putim paia long haus bilong yu.+
Na ol i bagarapim haus* em nem bilong yu i stap long en na brukim olgeta i go daun long graun.
8 Ol na ol pikinini bilong ol i tok olsem:
“Yumi mas kukim olgeta ples bilong mekim lotu long God* long dispela ples.”
9 I no gat wanpela sain mipela i ken lukim;
Na i no gat wanpela profet i stap,
Na i no gat wanpela namel long mipela i save long wanem taim dispela samting bai pinis.
10 God, hamas taim moa bai ol birua i tok bilas long yu?+
Olsem wanem? Oltaim bai ol birua i no soim rispek long nem bilong yu?+
11 Wai na yu pasim rait han bilong yu?+
Rausim han bilong yu long bros bilong yu na pinisim ol.
12 Tasol God, long bipo yet i kam inap nau, yu stap King bilong mi,
Yu tasol i bin kisim bek ol manmeri bilong yu i stap long olgeta hap bilong graun.+
14 Yu brukim ol het bilong Leviatan;*
Yu givim ol long ol manmeri i stap long ples nating bai ol i kaikai.
15 Yu bin mekim ol liklik wara i kamap long graun na i ran i go;+
Yu mekim ol bikpela wara i save ran oltaim i drai olgeta.+
16 Yu wokim tulait na tudak.
Yu wokim lait na yu wokim san.+
18 Jehova, tingim ol birua bilong yu i save tok bilas long yu,
Na tingim pasin bilong ol dispela longlong man long i no soim rispek long nem bilong yu.+
19 Yu no ken givim laip bilong ol pisin balus bilong yu long ol wel animal.
Na yu no ken lusim tingting long ol manmeri bilong yu em ol i karim pen na hevi oltaim.
20 Yu mas tingim kontrak yu bin wokim wantaim mipela,
Long wanem, ol ples long graun we i tudak, i pulap long ol man bilong pait na bagarapim narapela.
21 Ol man em ol arapela i daunim ol, yu no ken larim ol i bel hevi;+
Ol man i no gat nem na ol rabisman i ken preisim nem bilong yu.+
22 God, kirap na mekim kot long ol.
Yu mas tingim ol tok bilas ol longlong man i save mekim long yu long olgeta de.+
23 Yu no ken lusim tingting long ol tok em ol birua bilong yu i save mekim.
Oltaim singaut bilong ol man i bikhet long yu i save go antap long yu, na yu no ken lusim tingting long dispela.