Jop
16 Jop i bekim tok olsem:
2 “Planti taim mi bin harim dispela kain tok.
Yupela i no bin mekim ol tok bilong mekim gut bel bilong mi. Nogat. Tok bilong yupela i givim hevi tasol long mi!+
3 Yupela i mas pasim maus nau na no ken mekim ol tok i no gat as bilong en.
Wanem samting i kirapim yupela long bekim kain tok olsem?
4 Sapos yupela i karim hevi olsem mi,
Orait yupela i ting mi inap mekim wankain tok olsem yupela i bin mekim long mi, a?
Na yupela i ting mi inap mekim ol tok i daunim yupela, a?
Na tantanim het bilong mi long yupela?+
5 Mi no inap mekim olsem, nogat, maus bilong mi bai mekim ol tok bilong strongim yupela.
Na ol gutpela tok mi mekim inap mekim isi bel bilong yupela.+
6 Tasol maski sapos mi toktok, dispela i no inap pinisim pen mi karim,+
Na sapos mi pasim maus na mi no toktok, dispela tu i no inap daunim pen mi karim.
8 Em i holim mi strong na ol arapela i lukim dispela,
Mi kamap bun nating, na ol man i lukim mi na ol i ting mi bin mekim rong.
9 Belhat bilong em i brukim bodi bilong mi, na em i no laik tru long mi.+
Na em i kaikaim tit bilong em long mi.
Birua bilong mi i lukluk strong long mi.+
10 Ol i opim maus bilong ol i go bikpela bilong bagarapim mi,+
Na ol i tok bilas na paitim wasket bilong mi;
Ol i planti tru na ol i bung raunim mi bilong mekim nogut long mi.+
11 God i larim ol yangpela man i mekim nogut long mi,
Na em i tromoi mi i go long han bilong ol man nogut.+
12 Mi bin sindaun gut, tasol em i mekim save tru long mi.+
Em i holim baksait long nek bilong mi na em i krungutim mi.
Na em i sutim ol spia bilong em long mi.
13 Ol soldia bilong em i save sut long banara, ol i sanap raunim mi,+
Em i sutim kidni bilong mi+ na em i no sori liklik long mi,
Em i kapsaitim wara i stap long galbleda* bilong mi long graun.
14 Mi olsem wanpela banis na em i wok long brukim bodi bilong mi na wokim hul.
Em i pait strong long mi olsem wanpela strongpela soldia.
15 Mi samapim laplap bilong sori bilong karamapim skin bilong mi,+
Mi pilim nogut tru na mi no gat biknem moa,* olsem na mi sindaun long das.+
16 Mi krai moa yet olsem na pes bilong mi i ret,+
Na ai bilong mi i kamap tudak.
17 Mi no bin mekim nogut long ol arapela,
Na bel bilong mi i gutpela taim mi beten.
18 Graun, harim. Yu no ken haitim blut bilong mi!+
Yu mas larim em i krai bilong helpim mi!
19 Man bai sambai long mi i stap long heven.
Dispela man bai tokaut olsem mi no gat rong, em i stap antap.
21 Mi laik bai wanpela man i stap namel long mi na God na skelim mitupela,
Olsem man i save skelim tok namel long tupela man.+