Buk Song
Devit i raitim dispela song taim em i stap long ples nating bilong Juda.+
63 O God, yu God bilong mi, mi wok long painim yu.+
Mi laikim yu tumas olsem man em nek bilong em i drai long dring wara.+
2 Mi bin lukim yu long ples holi bilong yu;
Mi bin lukim strong bilong yu na glori bilong yu.+
4 Mi bai litimapim nem bilong yu long laip olgeta bilong mi;
Mi bai apim han bilong mi na prea long nem bilong yu.
5 Mi amamas long gutpela na nambawan samting yu givim mi,
Olsem na mi bai amamas na litimapim nem bilong yu.+
7 Yu man bilong helpim mi,+
Olsem na mi bai go hait aninit long wing bilong yu, na mi bai singim song bilong amamas.+
8 Oltaim mi pas gut wantaim yu;
Rait han bilong yu i save sapotim mi.+
9 Tasol ol man i laik kilim mi i dai
Ol bai i go daun insait long ol hap daunbilo bilong graun.
10 Ol bai i kilim ol i dai long bainat;
Ol jekol* bai kaikai bodi bilong ol.
11 Tasol king bai i amamas long ol samting God bai mekim bilong helpim em.
Olgeta man i mekim tok tru antap long nem bilong Em, ol bai amamas,
Ol man i save mekim tok giaman, em bai i pasim maus bilong ol.