Buk Song
Tok i go long dairekta. Singsing bilong Devit em wokman bilong Jehova.
36 Sin i stap long bel bilong man nogut, na i givim sampela tok long em;
Ai bilong em i soim olsem em i no pret liklik long God.+
2 Long ai bilong em yet, em i ting em i nambawan tru
Olsem na em i no luksave na givim baksait long ol sin bilong em.+
3 Ol tok em i mekim long maus bilong em i bilong bagarapim ol arapela na giamanim ol;
Em i no gat pasin bilong skelim gut ol samting na mekim gutpela pasin.
4 Taim em i slip long bet bilong em, em i tingting long rot bilong mekim ol pasin nogut.
Em i save bihainim rot nogut tasol;
Em i no save givim baksait long pasin nogut.
5 Jehova, gutpela pasin laikim* bilong yu i bikpela tru, mak bilong en i go antap inap long heven,+
Pasin bilong yu long helpim ol man i moa yet, mak bilong en i go antap inap long ol klaut.
6 Stretpela pasin bilong yu i moa yet, em i antap tru olsem ol bikpela maunten;*+
Na ol pasin bilong yu long skelim ol man i daun tumas olsem wara i dip.+
Jehova, yu save lukautim gut* ol man na ol animal.+
7 God, gutpela pasin laikim* bilong yu i dia tumas!+
Aninit long sedo bilong ol wing bilong yu, ol man i save go na hait.+
8 Haus bilong yu i gat planti kaikai, olsem na ol i kaikai na ol i pulap tru,+
Na ol gutpela samting bilong yu i moa yet olsem bikpela wara, na yu givim ol bilong dring.+
10 Yu mas wok yet long soim gutpela pasin laikim* bilong yu long ol man i save long yu,+
Na yu mas wok yet long soim stretpela pasin bilong yu long ol man i gat gutpela bel.+
11 Yu no ken larim lek bilong ol man i gat pasin antap i krungutim mi
Na yu no ken larim han bilong ol man nogut i rausim mi i go.
12 Lukim, ol man bilong mekim rong i pundaun;
Ol i pundaun na ol i no inap kirap gen.+