Aisaia

64 I gutpela moa sapos yu bin brukim skai na kam daun,

Na ol maunten bai guria bikos long yu,

 2 Wankain olsem paia i save kukim ol liklik han diwai,

Na paia i mekim wara i boil,

Ol birua bilong yu bai save long nem bilong yu,

Na long ai bilong yu ol kantri bai guria!

 3 Taim yu mekim ol narakain samting i mekim ol man i pret na guria, em ol samting mipela i no ting yu bai mekim,+

Yu kam daun, na ol maunten i guria long ai bilong yu.+

 4 Long bipo yet na i kam, i no gat wanpela man i bin harim o putim yau,

Na i no gat wanpela ai i bin lukim narapela God, nogat, ol i bin mekim olsem long yu wanpela tasol,

Yu save helpim ol man i save stap isi na wet long yu.+

 5 Yu kam bungim ol man husat i save amamas long mekim pasin i stret,+

Ol i save tingim yu na bihainim ol pasin bilong yu.

Tasol yu belhat tru taim mipela i wok yet long mekim sin,+

Mipela i mekim olsem inap longpela taim.

 6 Na mipela olgeta i kamap olsem man i no klin,

Na olgeta stretpela pasin bilong mipela i olsem wanpela laplap bilong sik mun.+

Mipela olgeta bai kamap olsem lip i drai,

Na ol rong bilong mipela bai karim mipela i go olsem win i karim ol samting i go.

 7 I no gat wanpela man i singaut long nem bilong yu,

I no gat wanpela man i kirapim em yet long holim strong han bilong yu,

Long wanem, yu bin haitim pes bilong yu long mipela,+

Na yu mekim mipela i bagarap* bikos long ol rong bilong mipela.

Mipela i olsem graun, na yu olsem Man Bilong Wokim Sospen Graun;*+

Long han bilong yu yet, yu bin wokim mipela olgeta.

 9 O Jehova, no ken belhat tru long mipela,+

Na no ken tingim rong bilong mipela inap oltaim oltaim.

Saion i kamap wanpela ples nating,

Na Jerusalem i bagarap na i stap nating.+

11 Haus* holi bilong mipela i gat glori,

Em haus we ol tumbuna papa bilong mipela i bin preisim yu,

Paia i bin kukim pinis,+

Na olgeta samting mipela i save laikim tumas i bagarap i stap.