Buk Song
33 Yupela ol stretpela manmeri, yupela i mas amamas long ol samting Jehova i mekim.+
Ol stretpela manmeri i mas litimapim nem bilong em, na dispela pasin em i stret long ol i mekim.
2 Pilaim harp* na tok tenkyu long Jehova;
Pilaim instramen i gat 10-pela string na singim ol song bilong preisim* em.
3 Singim nupela song long em;+
Pilaim gut tru instramen i gat ol string na amamas na singaut wantaim.
4 Tok bilong Jehova i tru olgeta,+
Na yumi ken bilip tru long olgeta samting em i mekim.
5 Em i laikim stretpela pasin na em i no save mekim wansait pasin.+
Graun i pulap long gutpela pasin laikim* bilong Jehova.+
6 Jehova i tok tasol na olgeta samting long ples antap i kamap,+
Na long rot bilong win bilong maus bilong em, olgeta dispela samting bilong ples antap i kamap.
7 Em i bungim solwara long wanpela hap tasol olsem wara i bung long dem;+
Em i putim bikpela wara long ol bakstua.
8 Olgeta manmeri long graun i mas pret long Jehova.+
Na olgeta manmeri i stap long graun i mas givim ona long em.
10 Jehova i bagarapim ol samting ol lain manmeri i tingting long mekim;+
Em i bagarapim plen bilong ol lain manmeri.+
11 Tasol ol disisen Jehova i mekim, bai i stap strong oltaim;+
Na wanem samting em i tingting long mekim, dispela tingting i save stap oltaim.
12 Lain manmeri God bilong ol em Jehova, ol i ken amamas,+
Ol dispela manmeri em i bin makim bilong em yet.+
13 Jehova i stap long heven na em i lukluk i go daun;
Na em i lukim olgeta manmeri.+
14 Em i stap long ples bilong em,
Na i lukluk i go daun long ol manmeri i stap long graun.
15 Em yet i save wokim bel na tingting bilong olgeta manmeri;
Na em i save skelim olgeta pasin bilong ol.+
16 Maski king i gat bikpela lain ami, ol i no inap kisim bek em;+
Maski man i gat bikpela strong, strong bilong em yet i no inap kisim em bek.+
17 Man i bilip olsem hos bai helpim em, em i giamanim em yet;+
Na bikpela strong bilong em i no makim olsem em inap helpim man long ranawe.
18 Harim! Ai bilong Jehova i save lukluk long ol manmeri i pret long em,+
Em ol manmeri i wet long em i soim gutpela pasin laikim* bilong em long ol,
19 Na bilong kisim bek ol na bai ol i no ken i dai
Na bilong lukautim ol long taim bilong hangre na bai ol i no ken i dai.+
20 Yumi mas wet i stap long Jehova.
Em i olsem hap plang bilong pait na man bilong helpim yumi.+
21 Yumi trastim nem holi bilong em,+
Olsem na yumi amamas long em.