Buk Song
Tok i go long dairekta. Singsing bilong ol pikinini man bilong Kora.+
49 Yupela olgeta manmeri, yupela harim.
Yupela olgeta manmeri i stap long graun, yupela i mas putim gut yau,
2 Yupela man i gat nem na yupela man nating,
Yupela maniman na yupela rabisman.
3 Maus bilong mi bai autim savetingting,
Na mi bai tingim tingim long bel+ ol tok na bai mi ken kliagut long ol samting.
4 Mi bai putim gut yau long wanpela savetok;
Mi bai pilaim harp* na kamapim mining bilong ridol bilong mi.
5 Mi no ken pret long taim bilong hevi,+
Taim ol man i laik daunim mi i mekim kain kain pasin nogut* bilong bagarapim mi.
6 Ol man i bilip long mani kago bilong ol+
Na ol man i apim nem bilong ol yet long ol i gat planti samting,+
7 I no gat wanpela bilong ol inap baim bek narapela man
Na i no gat wanpela bilong ol inap givim pe bilong baim bek man long God bilong helpim dispela man,+
8 (Pe bilong baim bek laip bilong ol, em i antap tumas
10 Yumi save lukim ol man i gat save, ol tu i save dai;
Na ol krankiman na ol longlong man tu i save dai,+
Na ol i save lusim mani kago bilong ol na ol arapela i kisim.+
11 Ol i laik bai ol haus bilong ol i stap oltaim,
Na ol haus sel bilong ol bai stap i go inap bihain bihain.
Na ol i putim nem bilong ol yet long graun na haus samting bilong ol.
12 Maski man i gat biknem, em bai i no inap stap laip longpela taim, nogat;+
Em i no winim animal na em bai dai olsem ol animal i save dai.+
13 Dispela samting bai kamap long man i no gat gutpela tingting+
Na long ol man i bihainim pasin bilong ol, em ol i amamas long toktok nating bilong ol. (Selah)
14 Ol i makim ol bilong i go long Matmat* olsem ol sipsip ol i kisim i go bilong kilim i dai.
Dai bai i stap olsem wasman bilong ol;
Ol stretpela man bai bosim ol long moning.+
Ol bai dai na pinis olgeta;+
Matmat*+ bai i stap haus bilong ol na ol bai i no stap long gutpela haus bilong ol.+
15 Tasol God bai kisim bek* mi na strong* bilong Matmat* i no ken holimpas mi,+
Na em bai lukautim mi. (Selah)
16 Yu no ken pret sapos wanpela man i kamap maniman,
Na haus bilong em i gat planti gutpela samting,
17 Taim em i dai, em i no inap kisim wanpela samting i go wantaim em;+
Em i no inap kisim mani kago bilong em i go wantaim em.+
18 Taim em i stap laip, em i apim nem bilong em yet.+
(Ol man i save litimapim nem bilong yu taim yu kisim planti samting.)+
19 Tasol bihain em tu bai i dai wankain olsem ol tumbuna bilong em i bin dai.
Na ol bai i no inap lukim lait bilong san gen.
20 Man i no kliagut long dispela samting, maski em i gat biknem,+
Em i no winim ol animal na em bai dai olsem ol animal i save dai.