Buk Song
Beten bilong Devit.
17 Jehova, harim singaut bilong mi, long wanem, mi save wokabaut stret;
Putim yau long singaut bilong mi long kisim helpim;
Mi no giaman na prea, olsem na mi laik bai yu harim mi.+
2 Mi laik bai yu skelim kot bilong mi na mekim stretpela pasin long mi.+
Ai bilong yu i ken lukim pasin i stret.
3 Yu save skelim bel bilong mi, na long nait tu yu save skelim mi;+
Na yu no painim wanpela tingting nogut i stap long mi,
Na maus bilong mi i no mekim sin.
4 Maski ol arapela man i mekim wanem,
Mi bihainim tok bilong yu, na mi givim baksait long rot bilong stilman.+
6 God, mi singaut long yu, long wanem, mi save yu bai harim singaut bilong mi.+
Putim yau long* tok bilong mi. Na harim ol tok mi mekim.+
7 Yu mas soim gutpela pasin laikim* bilong yu long rot bilong mekim ol gutpela wok,+
Yu Seivia bilong ol man i kam hait aninit long rait han bilong yu,
Em ol man i stap longwe long ol man i bikhet long yu,
8 Yu mas lukautim mi olsem yu lukautim ai kiau bilong yu;+
Haitim mi gut aninit long sedo bilong wing bilong yu.+
9 Lukautim mi bai ol man nogut i no inap bagarapim mi,
Na long ol birua bilong mi, em ol i raunim mi.+
10 Ol i no pilim nogut long samting ol i mekim;*
Maus bilong ol i save mekim tok bilong litimapim nem bilong ol yet;
11 Ol i banisim mipela;+
Na ol i lukluk i stap na taim rot i op, ol i laik daunim mipela.*
12 Man nogut i olsem laion i laik brukim ol abus bilong en i go liklik,
Na olsem yangpela laion i hait na was i stap.
13 O Jehova, kirap. Yu mas pait long em+ na daunim em;
Kisim bainat bilong yu na pait long man nogut na kisim bek mi long han bilong em;
14 Jehova, long han bilong yu, yu mas kisim bek mi,
Long ol man bilong dispela graun, em ol i tingting tasol long ol samting bilong laip bilong nau,+
Em ol man yu bin givim planti gutpela samting long ol+
Na ol i bungim ol samting bilong givim long ol pikinini man bilong ol.