Buk Song
78 Ol manmeri bilong mi, yupela i mas harim gut ol lo* bilong mi;
Putim yau long ol tok mi laik mekim.
2 Bai mi opim maus bilong mi na autim ol savetok.
Mi bai stori long ol samting i stap hait long bipo.+
3 Bipo ol papa bilong mipela i bin tokim mipela long en,+
Na mipela i harim pinis na save long en,
4 Mipela i no ken haitim ol dispela samting long ol pikinini man bilong mipela;
Mipela bai stori long ol lain i kamap bihain+
Long ol wok bilong Jehova we i litimapim nem bilong em na long strong bilong em,+
Na long ol strongpela wok em i bin mekim.+
5 Em i givim Jekop wanpela lo
Na em i givim wanpela lo long Israel;
Em i tokim ol tumbuna papa bilong mipela
Long ol i mas tokim ol pikinini bilong ol long ol dispela samting,+
6 Olsem bai ol lain i kamap bihain,
Em ol pikinini i no bon yet, ol bai save long ol dispela samting.+
Na ol bai tokim ol pikinini bilong ol tu.+
7 Sapos ol i mekim olsem, orait ol dispela lain i ken bilip tu long God.
Na ol i no ken lusim tingting long ol wok God i bin mekim+
Na ol i ken bihainim ol lo bilong em.+
8 Na bai ol i no ken kamap olsem ol tumbuna papa bilong ol,
Em ol het strong lain na lain bilong bikhet,+
Na bel na tingting bilong ol i no stap stret+
Na ol i no bihainim God.
9 Ol lain Efraim i karim banara na i kam long pait,
Tasol long taim bilong pait, ol i ranawe.
11 Na ol i lusim tingting tu long ol samting em i bin mekim,+
Em ol strongpela wok em i bin mekim long ai bilong ol.+
12 Em i wokim ol narakain samting long ai bilong ol tumbuna papa bilong ol,+
Long hap bilong Soan, long kantri Isip.+
13 Em i brukim solwara i go tupela hap na ol i wokabaut i go,
Na em i mekim wara i sanap stret olsem banis.+
14 Long san em i stap long klaut na i go pas bilong soim rot long ol
Na long nait em i stap long paia na i go pas bilong soim rot long ol.+
15 Em i brukim ol bikpela ston long ples nating,
Na em i larim ol i dring wara inap long ol i pulap tru.+
16 Em i mekim wara i kamap long bikpela ston
Na em i mekim wara i ron i kam daun olsem bikpela wara.+
17 Tasol ol i bikhet long God Antap Tru long ples nating,+
Na ol i wok long mekim sin long em;
18 Bel bilong ol i kirapim ol long traim God+
Na ol i strong long em i mas givim kaikai ol i laikim tumas.
19 Olsem na ol i kirap long toktok planti long God,
Na ol i tok: “Olsem wanem? God inap givim mipela kaikai long ples nating?”+
20 Tru, em i bin paitim ston
Na wara i kamap na i ron i go.+
Tasol ol i tok: “Olsem wanem? Em inap givim bret tu long mipela?
Na em inap givim mit long ol manmeri bilong em o nogat?”+
21 Taim Jehova i harim toktok bilong ol, em i kros nogut tru;+
Em i salim paia+ i kam daun long lain bilong Jekop bilong mekim save long ol,
Na em i belhat long ol Israel na i mekim save long ol+
22 Long wanem, ol i no bilip long God;+
Ol i no bilip olsem em inap kisim bek ol.
23 Orait em i givim tok long klaut bilong skai,
Na em i opim ol dua bilong heven.
25 Ol man i kaikai bret bilong ol strongpela man;*+
Em i givim planti kaikai long ol, na ol i inap tru.+
26 Em i kirapim win long hap is na win i kam
Na long strong bilong em, em i mekim win i kamap long hap saut na i kam.+
27 Na em i salim kaikai i kam daun olsem ren i pundaun na kaikai i planti tru olsem das,
Na em i salim tu planti pisin tru olsem wesan bilong nambis.
28 Em i mekim ol pisin i pundaun namel long kem bilong ol,
Na raunim ol haus sel bilong ol.
29 Na ol i kaikai planti tru winim mak bilong ol;
Em i givim ol samting ol i laikim.+
30 Taim ol i wok long kisim planti kaikai yet i stap,
Na kaikai i stap yet long maus bilong ol,
31 God i belhat long ol na em i mekim save long ol.+
Em i kilim i dai ol strongpela man bilong ol;+
Na em i kilim i dai ol yangpela man bilong Israel.
32 Maski i olsem, ol i wok yet long mekim sin+
Na ol i no bilip long ol strongpela wok em i bin mekim.+
33 Olsem na em i pinisim ol wantu tasol, olsem win i kamap long maus na i save pinis kwiktaim,+
Na em i mekim ol samting nogut i kamap wantu tasol na i bagarapim ol na ol i dai.
34 Tasol taim em i kilim i dai sampela bilong ol, ol arapela i save painim em;+
Ol i save kam bek na painim God,
35 Ol i tingim God olsem wanpela Bikpela Ston bilong ol+
Na ol i tingim God Antap Tru olsem Man Bilong Baim Bek ol.*+
36 Tasol ol i traim long giamanim em long toktok bilong ol
Na ol i mekim tok giaman long em long maus bilong ol.
Planti taim em i save pasim kros bilong em+
Na em i no belhat long ol.
42 Ol i no tingim strong* bilong em,
Ol i no tingim de em i bin kisim bek* ol long han bilong birua.+
43 Em i bin wokim ol bikpela wok bilong em long Isip+
Na em i wokim ol mirakel long hap bilong Soan.
44 Na em i tanim ol baret wara bilong Nail i kamap blut+
Olsem na ol i no inap dring long ol liklik wara bilong ol.
45 Na em i salim bikpela lain lang* i go na i mekim save long ol.+
Na em i salim ol frog i go na ol i bagarapim ol samting.+
46 Em i salim planti lain grasopa i go
Na ol i pinisim ol kaikai i kamap long gaden bilong ol.+
47 Em i bagarapim ol rop wain bilong ol
Na em i bagarapim ol diwai sikamor bilong ol long ren ais.+
48 Em i bagarapim ol animal bilong ol long ren ais+
Na em i bagarapim ol bulmakau na sipsip bilong ol long laitning.*
49 Em i belhat nogut tru long ol na i mekim save long ol,
Na em i kros nogut tru long ol na i mekim hevi i kamap long ol,
Em i salim ol ensel i go bagarapim ol.
50 Em i wokim rot bilong kamapim belhat bilong em.
Na em i no larim ol i stap laip;
Em i salim bikpela sik long ol na ol i dai.
51 Bihain em i kilim i dai olgeta fesbon pikinini bilong ol Isip,+
Em ol nambawan pikinini i bon long ol haus sel bilong Ham.
52 Orait em i kisim ol manmeri bilong em na bringim ol i go olsem ol sipsip+
Na em i go pas long ol na ol i bihainim em olsem ol sipsip long ples nating.
53 Em i bringim ol i go na ol i stap gut,
Na ol i no pret long wanpela samting;+
Solwara i karamapim ol birua bilong ol.+
54 Na em i bringim ol i go long ples holi bilong em,+
Em dispela ples maunten em i bin kisim long rait han bilong em.+
55 Em i rausim ol arapela lain i stap long dispela hap taim ol i kam;+
Em i yusim rop bilong mesarim ol samting na mesarim graun na tilim long ol;+
Em i larim ol Israel i sindaun long haus bilong ol.+
57 Ol i lusim em na ol i no stap gut long em olsem ol tumbuna papa bilong ol i bin mekim.+
Ol i olsem banara i lus na i no strong.+
58 Ol i save go long ples lotu bilong giaman god na dispela i mekim em i kros,+
Na ol i wokim ol imis na dispela i mekim em i belhat tru long ol.+
59 God i lukim dispela pasin bilong ol na em i belhat tru,+
Olsem na em i givim baksait olgeta long ol Israel.
60 Na em i lusim haus sel bilong Silo,+
Em dispela haus sel em i bin stap long en namel long ol man.+
61 Em i larim samting i makim strong bilong em i go kalabus;
Em i putim glori bilong em long han bilong ol birua.+
62 Em i larim ol manmeri bilong em i dai long bainat+
Na em i belhat tru long ol manmeri bilong em.
63 Paia i kukim ol yangpela man bilong em na ol i dai,
Na ol i no singim ol weding singsing long ol yangpela meri* bilong em.*
65 Orait nau i olsem Jehova i kirap long slip,+
Olsem strongpela man+ i dring planti wain i slip na nau em i kirap.
66 Na em i pait long ol birua bilong em na ranim ol i go bek;+
Em i mekim ol i sem nogut tru.
67 Em i givim baksait long lain tumbuna pikinini bilong Josep;
Em i no makim traib bilong Efraim.
69 Em i wokim haus bilong em i stap strong oltaim olsem heven i stap strong oltaim,+
Na olsem graun em i bin wokim na i stap strong oltaim oltaim.+