Buk Song
Singsing Bilong Ol Man i Go Antap Long Taun.
126 Taim Jehova i bringim ol lain i stap kalabus i kam bek long Saion,+
Mipela i ting olsem mipela i driman tasol.
2 Long dispela taim, mipela i lap moa yet,
Na mipela i amamas na singaut.+
Na long dispela taim, ol manmeri bilong ol arapela kantri i toktok namel long ol yet olsem:
“Jehova i mekim ol bikpela wok bilong helpim ol.”+
3 Yes, Jehova i bin mekim ol bikpela wok bilong helpim mipela,+
Olsem na mipela i amamas tru.
4 Jehova, yu mas bringim i kam bek ol lain bilong mipela i stap kalabus,
Wankain olsem ren i pundaun na i pulap long ol liklik wara bilong Negev.
5 Ol man i krai na i planim kaikai
Ol bai amamas na kisim kaikai i mau.