Buk Song
Devit i raitim dispela song.
29 Givim ona long Jehova, yupela ol pikinini man bilong ol man i gat bikpela strong,
Givim ona long Jehova long glori na strong bilong em.+
2 Givim glori long Jehova olsem i stret long nem bilong em.
Werim ol klos holi bilong yupela na* brukim skru* long Jehova.
3 Jehova i toktok na ol i harim nek bilong em antap long ol wara;*
God i gat biknem na nek bilong em i pairap olsem tanda.+
Jehova i stap antap long planti wara.+
4 Singaut bilong Jehova i gat bikpela strong;+
Singaut bilong Jehova i gutpela tru.
5 Singaut bilong Jehova i brukim ol diwai sida;
Yes, Jehova i brukim ol diwai sida bilong Lebanon i go liklik liklik.+
6 Em i mekim Lebanon* i kalap kalap olsem pikinini bulmakau,
Na em i mekim Sirion+ i kalap kalap olsem yangpela wel bulmakau man.
7 Jehova i toktok na laitning i sut nabaut.+
8 Singaut bilong Jehova i mekim ples nating i guria.+
Jehova i mekim ples nating bilong Kades+ i guria.
9 Singaut bilong Jehova i mekim na ol dia i guria na ol i karim pikinini
Na singaut bilong em i rausim olgeta samting long bikbus.+
Na long tempel bilong em olgeta i tok olsem: “Givim glori long God!”
10 Jehova i sindaun long sia king bilong em antap long ol wara i tait;*+
Jehova i sindaun long sia king. Em i stap King oltaim oltaim.+
11 Jehova bai givim strong long ol manmeri bilong em.+
Jehova bai blesim ol manmeri bilong em na ol bai i stap bel isi.+