Buk Song
Singsing bilong Devit.
28 Jehova, yu olsem Bikpela Ston bilong mi na mi wok long singaut long yu;+
No ken pasim yau long mi.
2 Taim mi beten na apim han bilong mi i go olsem long rum i stap insait tru long haus bilong yu,+
Yu mas harim krai bilong mi na helpim mi.
3 Yu no ken pulim mi i go wantaim ol man nogut, wantaim ol man i save mekim nogut long ol arapela,+
Na ol man i save toktok long pasin wanbel wantaim ol arapela man, tasol tingting nogut i pulap long bel bilong ol.+
4 Mekim save long ol inap long pasin ol i mekim,+
Inap stret long pasin nogut bilong ol.
Bekim pe nogut long ol long wok ol i mekim long han bilong ol,
Inap stret long pasin ol i bin mekim.+
Olsem na em bai bagarapim ol. Na em bai i no inap helpim ol.
6 Litimapim nem bilong Jehova,
Long wanem, em i bin harim krai bilong mi na em i helpim mi.
7 Jehova i olsem hap plang bilong mi long pait+ na em i save strongim mi;+
Mi trastim em long bel bilong mi.+
Em i bin helpim mi olsem na mi amamas moa yet long em,
So bai mi mekim singsing bilong litimapim nem bilong em.
8 Jehova i save helpim ol manmeri bilong em;
Em i strongpela ples hait na em i save kisim bek man em i bin anointim.*+
9 Yu mas kisim bek ol manmeri bilong yu na mekim gut long ol.+
Yu ken i stap wasman bilong ol na karim ol long han bilong yu oltaim oltaim.+