Buk Song
Tok i go long dairekta. Maskil.* Singsing bilong Devit. Em i raitim dispela song long taim Doek bilong kantri Idom i go long Sol na tokim em olsem Devit i go i stap long haus bilong Ahimelek.+
52 Yu strongpela man, bilong wanem yu litimapim nem bilong yu yet long pasin nogut yu bin mekim?+
Gutpela pasin laikim* bilong God i save stap oltaim.+
3 Yu laikim pasin nogut moa yet winim gutpela pasin,
Na yu laikim tok giaman moa yet winim pasin bilong tok tru. (Selah)
4 Yu save laikim tumas tok bilong bagarapim ol arapela,
Maus bilong yu i pulap long tok giaman!
5 Olsem na God bai bagarapim yu olgeta;+
Em bai holimpas yu na pulim yu i go ausait long haus sel bilong yu;+
Em bai kamautim yu na bai yu no stap moa long graun.+ (Selah)
6 Ol stretpela man bai lukim dispela samting na ol bai kirap nogut,+
Na ol bai lap long em na tok olsem:+
7 “Lukim dispela man, em i no laik bai God i stap ples hait* bilong em,+
Em i trastim tru planti mani kago bilong em+
Na em i bilip olsem ol pasin giaman em i mekim bilong bagarapim ol arapela* bai helpim em.”