Buk Song
Tok i go long dairekta. Singsing bilong ol pikinini man bilong Kora.+ Ol i singim dispela song long nek ol i kolim Alamot.*
46 God em i ples hait bilong yumi na em i save strongim yumi.+
Long taim hevi i painim yumi, em i save redi long helpim yumi.+
2 Olsem na yumi no ken pret, maski ol senis i kamap long graun,
Na maski ol maunten i pundaun i go insait namel tru long solwara,+
3 Na maski si i pairap strong na i bruk nabaut na spet i kamap,+
Na maski biksi i ken kalap nabaut na sakim ol maunten na i mekim ol i seksek. (Selah)
4 I gat wanpela wara em ol hanwara bilong en i mekim taun bilong God i amamas.+
Em haus holi bilong God Antap Tru, em i nambawan tru.
5 God i stap long dispela taun;+ olsem na em i no inap bagarap.
God bai i kam helpim dispela taun taim tulait i laik bruk.+
6 Taim em i singaut, graun i guria;+
Na ol kantri i pait long narapela narapela, na ol gavman i pundaun.
7 Jehova, bosman bilong bikpela lain ami,* em i stap wantaim yumi;+
God bilong Jekop em i strongpela ples hait bilong yumi. (Selah)
8 Yupela kam na lukim ol wok Jehova i mekim,
Em i mekim planti narakain samting long graun.
9 Em i save mekim i dai ol pait i kamap long olgeta hap bilong graun.+
Em i save brukim banara na spia;
Em i save kukim ol karis bilong pait* long paia.
10 Em i tok olsem, “Yupela i no ken pait moa, na yupela i mas save olsem mi God.