Buk Song
Singsing Bilong Ol Man i Go Antap Long Taun.
129 “Ol birua i wok long pait long mi kirap long taim mi yangpela yet i kam inap nau”+
Yupela Israel i mas tok olsem,
2 “Ol birua i wok long pait long mi kirap long taim mi yangpela yet i kam inap nau;+
Tasol ol i no winim mi.+
3 Sampela man i wipim baksait bilong mi olsem ol man bilong brukim graun i brukim graun;+
Ol i mekim ol longpela mak long baksait bilong mi.”
5 Ol man i nolaik tru long Saion,+
Ol bai semim ol na ol bai lusim na ranawe.
6 Ol i olsem gras i save kamap long rup bilong ol haus
We i save drai paslain long ol i kamautim,
7 Na i no inap pulap long han bilong man i kamautim
Na i no inap pulap long han bilong man i bungim na pasim long bandel.
8 Ol manmeri i wokabaut i go i kam abrusim ol, ol bai i no inap tok olsem:
“Jehova i ken blesim yupela;
Long nem bilong Jehova, mipela i givim blesing long yupela.”