Buk Song
Tok i go long dairekta. Singsing bilong Devit.
14 Man i no gat gutpela tingting i save tok long em yet olsem:
“Jehova i no stap.”+
Ol dispela kain man i no save mekim stretpela pasin, na pasin bilong ol i nogut tru;
I no gat wanpela i save mekim gutpela pasin.+
2 Tasol Jehova i stap long heven na i lukluk i kam daun long ol manmeri bilong graun
Em i laik painim ol man i kliagut long ol samting na i wok long painim Jehova.+
3 Tasol olgeta man i lusim gutpela rot pinis;+
Olgeta i wankain tasol, ol i no save mekim stretpela pasin.
I no gat wanpela i save mekim gutpela pasin,
Nogat tru.
4 Ating ol dispela man bilong mekim pasin nogut, ol i no gat save, a?
Ol i save pinisim ol manmeri bilong mi olsem ol i kaikai bret.
Na ol i no save singaut long Jehova.
5 Tasol ol dispela man bai i pret nogut tru,+
Long wanem, Jehova bai i stap wantaim ol stretpela manmeri.
6 Yupela ol man bilong mekim pasin nogut i laik bagarapim ol samting em ol man i no gat nem i laik mekim,
Tasol Jehova em i ples hait bilong ol.+
7 Mi laikim tumas bai man bilong kisim bek lain Israel i lusim Saion na i kam!+
Taim Jehova i kisim ol manmeri bilong em i bin stap kalabus i kam bek,
Orait Jekop i ken amamas, na Israel i ken belgut.