2 Samuel
22 Taim Jehova i kisim bek Devit long han bilong olgeta birua bilong em+ na long han bilong Sol,+ Devit i mekim dispela song+ na singsing long Jehova. 2 Em i singsing olsem:
“Jehova i olsem bikpela ston na strongpela banis bilong mi+ na em i Man bilong kisim bek mi.+
3 God bilong mi em i bikpela ston+ bilong mi, mi save go long em na hait,
Em i olsem hap plang bilong pait+ na olsem kom* bilong kisim bek mi.* Em i strongpela ples hait bilong mi,+
Na man bilong kisim bek mi na mi save ran i go hait long em;+ em i save kisim bek mi+ long ol man bilong pait na bagarapim man.
4 Mi singaut long Jehova, em man yumi mas litimapim nem bilong em,
Na em i kisim bek mi long han bilong ol birua bilong mi.
5 Klostu dai i painim mi, olsem biksi i laik daunim mi;+
Ol man nogut i olsem wara i tait na i mekim mi pret nogut tru.+
7 Mi pilim nogut tru na mi singaut long Jehova,+
Mi singaut long God bilong mi bai em i ken helpim mi.
Em i stap long tempel bilong em na em i harim singaut bilong mi,
Na mi krai long em i helpim mi na em i putim yau.+
9 Smok i kamap long nus bilong em,
Na paia i kamaut long maus bilong em na kukim ol samting;+
Na em i sutim ol hap paia i go nabaut.
11 Em i sindaun antap long wanpela serap+ na flai i kam.
Em i stap long wing bilong wanpela ensel+ na i kam.
12 Tudak em i mekim i kamap olsem haus sel i raunim em,+
Em blakpela klaut bilong ren.
13 Na skai i lait long ai bilong em, na ol hap paia i sut i kam ausait long dispela lait.
14 Na Jehova i stap long heven na i mekim tanda i pairap;+
Na olgeta manmeri i harim nek bilong God Antap Tru.+
15 Em i sutim ol spia bilong em i go+ long ol birua bilong em, na ol i ranawe nabaut;
Na em i mekim lait bilong laitning i sut i go na i mekim ol i paul nabaut.+
16 As bilong solwara i kamap ples klia;+
Na ol samting bilong strongim graun i kamap ples klia taim Jehova i krosim ol,
Long strongpela win i kamaut long nus bilong em.+
17 Em i stap antap na i putim han i kam daun;
Na em i pulim mi i kam antap lusim wara i dip tumas.+
18 Em i kisim bek mi long han bilong ol strongpela birua bilong mi,+
Na em i kisim bek mi long han bilong ol man i no laikim mi, em ol i gat strong moa winim mi.
19 Taim nogut i painim mi, na ol birua i kam pait long mi,+
Tasol Jehova i helpim mi.
20 Em i bin kisim mi i go long wanpela ples we mi inap i stap gut;+
Em i laikim mi tumas, olsem na em i kisim bek mi.+
21 Mi bihainim stretpela pasin olsem na Jehova i givim gutpela pe long mi;+
Mi no mekim wanpela rong, olsem na em i bekim gutpela pasin long mi.+
22 Mi bihainim gut tok bilong Jehova,
Na mi no bin givim baksait long God bilong mi, long wanem, dispela em i pasin nogut.
24 Mi no inap mekim wanpela samting i mekim na mi gat asua long ai bilong em,+
Na mi bai was gut long wokabaut bilong mi, nogut mi mekim wanpela rong.+
25 Jehova i tingim stretpela pasin bilong mi, na em i bekim gutpela pasin long mi.+
Na mi no gat asua long ai bilong em.+
26 Man i save stap gut long narapela, yu save stap gut long em;+
Man i no gat asua, yu save mekim stretpela pasin long em;+
27 Man i save bihainim klinpela pasin, yu save soim klinpela pasin bilong yu,+
Tasol man i save mekim pasin giaman, em i no inap giamanim yu.+
28 Ol man i gat pasin daun, yu save kisim bek ol,+
Tasol ol man i gat pasin antap, yu no save laikim ol.+
30 Yu helpim mi, na mi inap daunim ol man bilong pait na stilim ol samting;
God i givim strong long mi, na mi inap kalapim banis.+
Em i stap olsem hap plang bilong pait we ol man i go long em bilong hait.+
32 I no gat wanpela God i olsem Jehova.+
God bilong yumi i olsem bikpela ston na i no gat wanpela i olsem em.+
34 Em i mekim lek bilong mi i spit tru olsem lek bilong dia;
Na em i mekim mi i sanap gut antap long ol sap maunten.+
35 Em i skulim han bilong mi long pait;
Olsem na mi inap taitim banara ol i wokim long kopa.
36 Yu givim mi hap plang bilong yu long pait bilong kisim bek mi,
Pasin bilong yu long daunim yu yet i mekim mi i gat biknem.+
37 Yu stretim gut rot bilong mi long wokabaut;
Olsem na mi wokabaut na lek bilong mi i no wel.+
38 Mi bai ranim ol birua bilong mi na bagarapim ol;
Mi bai mekim save long ol inap mi pinisim ol olgeta.
39 Na mi bai pinisim ol olgeta na memeim ol, bai ol i no ken kirap;+
Mi bai krungutim ol long lek bilong mi.
42 Ol i singaut long wanpela i helpim ol, tasol i no gat wanpela man i stap bilong helpim ol;
Na ol i krai long Jehova, tasol em i no harim krai bilong ol.+
43 Mi bai bagarapim ol tru na ol bai i kamap olsem das bilong graun;
Na mi bai mekim save long ol na krungutim ol olsem mi krungutim graun malumalum long rot.
44 Ol manmeri bilong mi i birua long mi na yu helpim mi na mi no kisim bagarap.+
Yu mekim mi i stap bosman bilong ol arapela lain manmeri;+
Ol manmeri mi no save long ol, ol i stap aninit long mi.+
45 Ol man bilong narapela ples bai surik na kam brukim skru long mi;+
Ol stori ol i harim long mi bai mekim ol i aninit long mi.*
46 Ol man bilong narapela ples bai pret;
Na ol bai lusim ol strongpela ples hait bilong ol na ol bai guria guria wantaim na i kam.
47 Jehova i stap laip! Preisim Bikpela Ston+ bilong mi!
Givim biknem long God, em i olsem bikpela ston i kisim bek mi.+
48 God tru i bin bekim pasin nogut bilong ol man i birua long mi;+
Na em i putim ol manmeri i stap aninit long mi;+
49 Em i kisim bek mi long han bilong ol birua bilong mi.
Yu apim mi+ na kisim mi i go longwe long ol man i pait long mi;
Yu kisim bek mi long man bilong pait na bagarapim man.+
50 Olsem na Jehova, mi bai tok tenkyu long yu namel long ol manmeri bilong ol arapela lain,+