Buk Song
Wanpela singsing bilong singim long de Sabat.
92 Jehova, i gutpela mi tenkyu long yu+
O God Antap Tru, i gutpela mi singim ol song bilong preisim* nem bilong yu,
2 Na i gutpela sapos long olgeta moning mi tokaut long gutpela pasin laikim*+ bilong yu
Na long olgeta nait mi tokaut long pasin bilong yu long bihainim tok promis bilong yu,
3 Na mi ken mekim gutpela musik long harp*+
Na pilaim lut* na instramen i gat 10-pela string.
4 O Jehova, yu bin mekim ol strongpela wok, olsem na dispela i mekim mi amamas;
Ol wok yu bin mekim long han bilong yu, i mekim na mi belgut na mi singim song bilong amamas.
5 O Jehova, ol wok bilong yu i nambawan tru!+
Tru tumas, tingting bilong yu i daun tumas!+
6 Ol man i no gat tingting i no inap save long en;
Na ol longlong man i no inap kliagut long ol kain samting olsem:+
7 Maski ol man nogut i kamap planti olsem ol gras nogut*
Na ol man bilong mekim pasin nogut i kisim planti samting na i stap gut,
Ol bai pinis olgeta.+
8 Tasol Jehova, oltaim biknem bilong yu i stap antap moa yet.
9 O Jehova, lukim ol birua bilong yu i lus long pait,
Yes, ol birua bilong yu bai pinis olgeta;
Yu bai rausim ol man bilong mekim pasin nogut i go nabaut.+
10 Tasol yu bai apim strong* bilong mi i go antap olsem strong bilong wel bulmakau man;
Na mi bai putim oil long skin bilong mi na mi bai kisim nupela strong.+
11 Bai mi lukim ol birua bilong mi i lus long pait;+
Mi bai harim stori olsem ol man nogut i bin pait long mi, ol i kisim bagarap.
12 Tasol ol stretpela man bai i kamap gut olsem diwai pam i karim planti kaikai
Na i kamap bikpela olsem diwai sida bilong Lebanon.+
13 Ol i planim ol insait long haus bilong Jehova;
Ol i kamap gutpela tru long ples bung insait long banis bilong God bilong yumi.+
14 Maski ol i lapun pinis,* ol bai karim yet kaikai;+
Ol bai i stap strong na stap gutpela tru,+
15 Long dispela rot, ol bai tokaut olsem Jehova em i stretpela olgeta.
Em i olsem Bikpela Ston+ na i no gat wanpela pasin i no stret long em. Nogat tru.