Jop
7 “Laip bilong ol man long graun i pulap long hatwok na ol hevi,
Na ol de man i stap laip i olsem wokman ol i haiarim bilong mekim wok.+
2 Olsem wanpela wokboi nating, ol i laik tru bai sedo i kamap,
Na olsem wanpela wokman ol i haiarim bilong mekim wok, ol i wet long kisim pe bilong ol.+
3 Insait long planti mun mi karim hevi,
Na long ol nait mi pilim bel hevi tru.+
4 Taim mi slip mi askim olsem, ‘Wanem taim bai mi kirap?’+
Tasol nait i longpela tumas, na mi tanim tanim i go inap tulait.
5 Skin bilong mi i pulap long ol liklik snek bilong lang na ol hap graun;+
Skin bilong mi i pulap long ol sua i luk olsem ol i drai na susu i pulap long ol sua bilong mi.+
7 God, tingim laip bilong mi i olsem win,+
Na ai bilong mi i no inap lukim amamas gen.
8 Ai i lukim mi nau i no inap lukim mi moa;
Ai bilong yu bai painim mi, tasol bai mi no stap moa.+
10 Em bai i no inap go bek gen long haus bilong em,
Na ol manmeri long ples bilong em bai i no tingim em moa.+
11 Olsem na mi no inap pasim maus.
Mi bai tokaut long bel hevi mi pilim long bel bilong mi;
Bel bilong mi i hevi tru olsem na mi mas toktok.+
12 Olsem wanem? Mi olsem solwara o mi olsem wanpela bikpela animal bilong solwara,
Na yu mas putim man bilong was long mi, a?
13 Mi tok olsem, ‘Bet bilong mi bai mekim gut bel bilong mi;
Na ples bilong mi long slip bai helpim mi long daunim bel hevi bilong mi,’
14 Tasol yu givim ol driman long mi na ol i pretim mi tru
Na yu givim ol visen long mi na mekim mi pret,
15 Olsem na mi ting mobeta ol i pasim nek bilong mi.
Yes, mi laik i dai na mi no laik i stap olsem moa.+
16 Mi les tru long laip bilong mi;+ mi no laik i stap laip moa.
Lusim mi, long wanem, laip bilong mi i sotpela olsem win mi pulim na rausim.+
17 Mipela man i wanem samting na yu tingting tumas long mipela?
Na bilong wanem yu save lukluk long mipela?+
18 Bilong wanem yu save skelim mipela long olgeta moning?
Na traim mipela olgeta taim?+
19 Mi laik bai yu tanim na yu no lukluk moa long mi,
Lusim mi stap sotpela taim na bai mi ken daunim spet liklik.+
20 Sapos mi bin mekim sin, orait olsem wanem mi inap bagarapim yu, yu man bilong lukim olgeta samting ol manmeri i mekim?+
Bilong wanem yu tagetim mi?
Mi kamap olsem wanpela hevi yu mas karim, a?
21 Bilong wanem yu no lusim sin bilong mi
Na lusim tingting long rong bilong mi?
Liklik taim nau bai mi dai na go bek long graun,+
Na bai yu painim mi, tasol mi no inap stap moa.”