Buk Song
Tok i go long dairekta bilong Gitit.* Singsing bilong ol pikinini man bilong Kora.+
2 Mi gat bikpela laik tru,
Yes, mi laikim tumas
Long i go long ples bung insait long banis bilong Jehova.+
Long bel na strong olgeta bilong mi, bai mi singim song bilong amamas long God i gat laip.
3 Ol pisin tu i save wokim haus bilong ol long dispela hap
Na pisin swalo i save wokim haus bilong en long dispela hap,
Na i lukautim ol pikinini bilong en
Klostu long alta bilong yu i nambawan tru, O Jehova, bosman bilong bikpela lain ami,
Yu King na God bilong mi!
4 Ol manmeri i stap long haus bilong yu, ol i ken amamas!+
Oltaim ol i save litimapim nem bilong yu.+ (Selah)
5 Ol man i save kisim strong long yu, ol i ken amamas,+
Ol i laikim tumas long wokabaut long rot i go long haus bilong yu.
6 Taim ol i wokabaut i kam i go long Veli Bilong Baka,*
Ol i lukim olsem dispela ples i gat planti wara;
Na namba 1 ren i pundaun na i karamapim ples olsem klos* na i mekim ples i luk nais.
7 Ol bai wokabaut i go, tasol strong bilong ol bai i no inap pinis;+
Olgeta wan wan bai i go kamap long ai bilong God long Saion.
8 O Jehova God, bosman bilong bikpela lain ami, harim beten bilong mi;
O God bilong Jekop, putim gut yau long tok bilong mi. (Selah)
10 Sapos mi stap wanpela de long ples bung insait long banis bilong yu, dispela i winim tru 1,000 de long narapela ples!+
Mi laikim tumas long sanap long dua bilong haus bilong God bilong mi.
Tasol mi no laik i stap long haus sel bilong ol man nogut.
11 God Jehova i olsem san+ na i olsem hap plang bilong pait;+
Em i save soim olsem em i orait long yumi na em i save givim biknem long yumi.
Jehova i no save pasim wanpela gutpela samting
Long ol manmeri i save wokabaut stret.+