Buk Song
Tok i go long dairekta; singim long nek ol i kolim “No Ken Bagarapim.” Singsing bilong Devit. Miktaim.* Devit i raitim dispela song long taim Sol i salim ol man i go was long haus bilong em bilong kilim em i dai.+
59 O God bilong mi, kisim bek mi long han bilong ol birua bilong mi;+
Lukautim mi bai ol man i no ken bagarapim mi.+
2 Kisim bek mi long han bilong ol man i save mekim pasin nogut,
Na kisim bek mi long han bilong ol man i save pait na bagarapim* ol arapela man.
3 Lukim! Ol i hait i stap bilong bagarapim mi;+
Ol strongpela man i laik mekim save long mi
Tasol Jehova, i no olsem mi bin bikhet o mekim sin na ol i laik mekim olsem long mi, nogat.+
4 Maski mi no bin mekim wanpela rong, kwiktaim ol i redi long i kam bagarapim mi.
Olsem na yu mas harim singaut bilong mi na lukim samting i laik kamap long mi.
5 Jehova God, bosman bilong bikpela lain ami,* yu God bilong lain Israel.+
Yu mas skelim olgeta kantri.
Na yu no ken marimari long ol man i givim baksait long mi na i birua long mi.+ (Selah)
6 Long olgeta apinun tru ol i ken i kam bek;+
Ol i ken raun raun insait long taun+ na singaut olsem ol dok i save singaut.+
7 Harim. Ol tok nogut i save kamaut long maus bilong ol;
Maus* bilong ol i olsem bainat,+
Long wanem, ol i save tok olsem: “Husat i harim tok bilong mipela?”+
9 God bilong mi, yu Man Bilong Strongim mi, olsem na bai mi wet long yu;+
Long wanem, yu strongpela ples hait bilong mi.+
10 God i save mekim gutpela pasin laikim* long mi, em bai i kam helpim mi;+
God bai larim mi i lukim ol birua bilong mi i pundaun.+
11 Mobeta yu no kilim ol i dai. Nogut ol manmeri bilong mi i lusim tingting long ol samting yu bin mekim.
Long strong bilong yu, mekim ol i raun raun nabaut;
Jehova, yu olsem hap plang bilong mipela long pait, olsem na yu mas mekim ol i pundaun.+
12 Ol i save mekim sin long toktok bilong ol,
Pasin antap bilong ol yet i ken mekim ol i pundaun,+
Ol i save mekim tok bilong bagarapim ol arapela na ol i save mekim tok giaman.
13 Long belhat bilong yu, pinisim ol olgeta;+
Pinisim ol olgeta na bai ol i no stap moa;
Yu mekim olsem, na bai ol i save olsem God i bosim lain bilong Jekop na bosim olgeta hap bilong graun.+ (Selah)
14 Long apinun tru ol i ken i kam bek;
Na ol i ken raun raun insait long taun+ na singaut olsem ol dok i save singaut.
15 Ol i raun nabaut bilong painim kaikai;+
Na ol i no pulap na ol i no painim ples bilong slip.
16 Tasol mi bai singim song long strong bilong yu;+
Long moning mi bai amamas long tokaut long gutpela pasin laikim* bilong yu.