Buk Song
94 Jehova, yu God i save bekim rong bilong ol man nogut.+
God, yu man bilong bekim rong bilong ol man nogut, yu mas kamapim klia yu wanem kain man!
2 Jas bilong graun, yu kirap.+
Na yu mas bekim pe i stret long pasin bilong ol man i gat pasin antap.+
3 Jehova, hamas taim moa bai ol man nogut i stap,
Na hamas taim moa bai ol man nogut i amamas i stap?+
4 Ol i hambak na mekim planti toktok;
Ol man bilong mekim pasin nogut ol i litimapim nem bilong ol yet.
5 Jehova, ol i daunim ol manmeri bilong yu,+
Na mekim nogut long lain bilong yu.
6 Ol i save kilim i dai ol wido na ol man bilong narapela ples i kam i stap long graun bilong mipela,
Na ol i save kilim i dai ol pikinini i no gat papa.
7 Ol i save tok olsem: “Ja i no save lukim ol dispela samting;+
God bilong Jekop em i no save wari long ol samting mipela i mekim.”+
8 Yupela ol manmeri i no gat tingting, yupela i mas kliagut long dispela samting;
Yupela ol longlong lain, wanem taim bai yupela i skelim gut ol samting?+
9 Olsem wanem? Man i bin wokim* yau, em i no inap harim toktok, a?
Na olsem wanem? Man i bin wokim ai, em i no inap lukim ol samting, a?+
10 Olsem wanem? Man i save stretim ol lain manmeri, em i no ken stretim ol, a?+
Em dispela man tasol i save givim save long ol manmeri!+
11 Jehova i save long tingting bilong ol man,
Tingting bilong ol i samting nating olsem win i kamap long maus tasol.+
12 Ja, man em yu stretim, em i ken amamas,+
Em man yu skulim long lo bilong yu,+
13 Bilong givim em bel isi long taim bilong hevi,
I go inap long taim ol man nogut i pundaun i go insait long hul.+
15 Na ol bai mekim kot long stretpela pasin gen,
Na ol man i gat gutpela bel ol bai i orait long en.
16 Husat bai helpim mi na daunim ol man nogut?
Na husat bai sanap long sait bilong mi na daunim ol man i save mekim rong?
17 Sapos Jehova i no bin helpim mi,
Ating dai inap painim mi longtaim i go pinis.+
18 Taim mi tok olsem: “Lek bilong mi i wel,”
Jehova, gutpela pasin laikim* bilong yu i helpim mi na mi no pundaun.+
19 Taim wari na tingting planti* i daunim mi,*
Yu save strongim mi na mekim bel bilong mi i stap isi.+
20 Olsem wanem? Ating ol lida* i gat pasin korapsen inap wok bung wantaim yu,
Na long wankain taim ol i pasim tok long kamapim trabel long nem bilong lo?+
21 Ol i save mekim nogut tru long ol stretpela man+
Na ol i save kotim ol man i no gat asua na tok ol i mas i dai.*+
22 Tasol Jehova em i strongpela ples hait bilong mi,
Em i God bilong mi na em i olsem bikpela ston i haitim mi.+
23 Ol pasin nogut ol i bin mekim, em bai bekim bek rong bilong ol.+
Em bai i pinisim ol long ol pasin nogut ol i bin mekim.
Jehova, God bilong yumi bai pinisim ol olgeta.+