Buk Song
Tok i go long dairekta; yusim ol instramen i gat ol string na wokim musik. Singsing bilong Devit.
61 O God, harim singaut bilong mi na yu mas helpim mi.
Na putim yau long beten bilong mi.+
Na mi stap long longwe ples tru na mi singaut long yu helpim mi.
Yu mas bringim mi i go long wanpela ston i stap antap tru.+
3 Yu tasol yu ples hait bilong mi,
Na yu tasol i strongpela taua i banisim mi long ol birua.+
4 Mi laik i stap long haus sel bilong yu inap oltaim oltaim;+
Mi laik i go hait aninit long wing bilong yu.+ (Selah)
5 God, yu bin harim ol tok promis mi bin mekim.
Na yu givim mi ol samting em yu save givim long ol manmeri i save pret long nem bilong yu.+
6 Yu bai larim king i stap laip inap longpela taim,+
Na ol yia em i stap laip bai i longpela olsem ol lain bai kamap bihain bihain.