Buk Song

Singim nupela song long Jehova;+

Yupela ol man i stap gut long em, preisim em long taim yupela i bung wantaim.+

 2 Yupela ol Israel, yupela i mas belgut long Bikpela Man Bilong Wokim yupela;+

Ol pikinini man bilong Saion, yupela i mas amamas long king bilong yupela.

 3 Ol i mas singsing na danis na preisim nem bilong em+

Na paitim tambarin na pilaim harp* na singim ol song bilong preisim* em.+

 5 Ol man i stap gut long em i ken amamas long ol i kisim biknem;

Ol i ken singaut na amamas taim ol i slip long bet bilong ol.+

 6 Maus bilong ol i ken singim ol song bilong litimapim nem bilong God,

Na ol i ken holim bainat i gat tupela sap,

 7 Na bai ol i ken bekim pait long ol arapela kantri

Na mekim save long ol lain manmeri,

 8 Na pasim ol king bilong ol long sen

Na ol bikman bilong ol tu long sen,

 9 Ol i ken mekim save long ol olsem lo i tok.+