Jop
10 “Mi les tru long laip bilong mi.+
Bai mi tokaut long bel hevi bilong mi.
Bel bilong mi i hevi tru olsem na mi mas toktok.
2 Bai mi tokim God olsem: ‘No ken tokaut olsem mi gat asua.
Tokim mi wai na yu kros long mi.
3 Yu mekim nogut long mi na dispela i helpim yu olsem wanem?
Yu rabisim ol samting em yu yet i bin wokim long han bilong yu,+
Na yu orait long tok bilong ol man nogut.
4 Olsem wanem? Yu gat ai olsem mipela ol man, a?
O yu save lukim ol samting olsem mipela ol man i save lukim?
5 Na olsem wanem? Yu bai i stap sotpela taim na bai yu dai, olsem mipela ol man?
Na namba bilong ol yia yu bai i stap laip i olsem bilong mipela ol man, a?+
6 Na yu wok long painim ol rong bilong mi
Na yu strong tumas long painim sin bilong mi?+
8 Yu yet i bin wokim mi long han bilong yu,+
Tasol nau yu laik bagarapim mi olgeta.
10 Yu bin putim mi insait long bel bilong mama bilong mi
Na mekim mi i kamap insait long bel bilong em.*
11 Na yu bin putim ol bun na ol rop long bodi bilong mi na ol i pas wantaim.
Na yu bin mekim mit na skin i kamap long bodi bilong mi bilong karamapim mi.+
12 Yu bin givim laip long mi na soim gutpela pasin laikim* long mi;
Yu bin lukautim gut laip bilong mi.+
13 Tasol long pasin hait yu tingting pinis long mekim ol dispela samting.*
Mi save ol dispela samting i kam long yu.
14 Sapos mi bin mekim sin, yu bai lukim,+
Na yu bai tok mi gat asua long rong mi bin mekim.
15 Sapos mi gat asua, orait sori tru long mi!
Na maski mi no gat asua, mi no inap apim het bilong mi,+
Long wanem mi karim planti pen na hevi na mi sem nogut tru.+
16 Sapos mi apim het bilong mi, yu bai ranim mi olsem laion i ranim abus,+
Na yu bai kamapim gen strong bilong yu bilong daunim mi.
17 Yu bringim ol nupela man i kam tokaut olsem mi gat asua
Na belhat bilong yu long mi i kamap bikpela moa,
Na planti hevi i wok yet long painim mi.
18 Olsem na wai na yu larim mama i karim mi?+
I gutpela moa mi bin dai long taim mi stap long bel bilong mama, na i no gat man i bin lukim mi.
19 Na long bel bilong mama, mi go stret long matmat;
Na dispela bai i olsem mi no bin kamap.’