Ol i Laik Kisim Wanpela Bilong Ol Yet

WANPELA Witnes Bilong Jehova i save wok long ples balus Milan Linate long Itali. Em i kisim buk Nambawan Man Tru i Winim Olgeta Narapela Man i go long ples wok. Sampela wanwok bilong em i laik kisim wanpela bilong dispela buk i save stori long i stap bilong Krais Jisas. Sampela de bihain em i kisim ol buk i go long ol wanwok, na wanpela bilong ol i tok, sampela man i save wok long ol narapela balus, ol tu i laik kisim dispela buk. Olsem na Witnes i tokim wanwok long raitim nem bilong ol man i laik kisim dispela buk. Sampela de bihain em i kisim ol nem.

Witnes i mas wet tupela wik bilong kisim ol dispela buk ol man i laik kisim. Em na narapela Witnes i bin go lukim olgeta man i laik kisim dispela buk na ol i bin tilim 461 buk! Taim ol i tilim buk ol i pasim tok wantaim 13 man, em ol Witnes i stap klostu long haus bilong ol, ol i ken kam lukim ol na lainim ol long tok bilong Baibel.

Sapos yu laik kisim dispela buk i gat 448 pes na strongpela karamap, o yu laik bai wanpela man i lainim yu long tok bilong Baibel long haus bilong yu yet, no gat pe, salim pas long IBSA, Box 636, Boroko, N.C.D., Papua New Guinea, o lukim atres i stret long yu long pes 5.