Spesel Pablik Tok

Husat Inap Tru Long Bosim Ol Man?

Wanem bikman inap

• pinisim hevi bilong mani, givim planti kaikai na gutpela haus long olgeta man?

• pasim ol bikpela bagarap, na ol manmeri i no ken kisim bagarap long rot bilong sunami, bikpela win ren, na graun guria?

• pinisim olgeta sik, na tu, mekim ol lapun i kamap yangpela gen?

• pinisim olgeta pait, mekim ol manmeri i stap aninit long em i stap bel isi na kisim gutpela sindaun?

• stretim bek olgeta samting bilong graun na bai graun i kamap gutpela gen, mekim graun i kamap wanpela gutpela ples paradais?

I gat wanpela Bikman tasol em inap tru long kamapim olgeta dispela samting bilong helpim yumi. Husat dispela Bikman? Bekim bilong dispela askim bai kamap long wanpela pablik tok, nem bilong en “Husat Inap Tru Long Bosim Ol Man?” Dispela tok bilong Baibel bai kamap long olgeta hap bilong graun winim 230 kantri. Long planti hap, dispela tok bai kamap long Haus Kingdom bilong ol Witnes Bilong Jehova long Sande, Epril 6, 2008. Ol Witnes i stap long hap bilong yu bai amamas long tokim yu long taim na ples dispela tok bai kamap long en. Mipela i laik singautim yu long kam harim dispela pablik tok.