Bilong Ol Yangpela

Holimpas Bilip Bilong Yu!

Pasin Bilong Mekim: Mekim dispela projek long wanpela hap we i no gat planti nois. Taim yu ritim skripsa, tingim olsem yu yet i stap insait long stori. Piksaim long tingting ol samting i kamap. Harim nek bilong ol man i toktok. Pilim tingting bilong ol man insait long stori. Mekim dispela stori i kamap olsem samting tru tru em yu lukim i stap.

Ol man insait long stori: Jeremaia, Ebetmelek, King Sedekaia

Bikpela tok: Jeremaia i karim hevi long bikpela pasin birua taim em i autim tok bilong God olsem ol Juda i mas daun long ol Babilon.

 1 SKELIM SAMTING I KAMAP.​​—RITIM JEREMAIA 38:​1-5.

Yu ting Jeremaia i pilim olsem wanem taim em i toktok long ol Juda?

․․․․․

Long krai bilong nek bilong Jeremaia, yu ting em i pilim olsem wanem taim em i autim tok lukaut bilong Jehova?

․․․․․

SKELIM I GO MOA.

Jeremaia i bilip strong long wanem samting na dispela i helpim em long mekim dispela strongpela tok lukaut?

․․․․․

 2 SKELIM SAMTING I KAMAP.​​—RITIM JEREMAIA 38:​6-​13.

Piksaim long tingting bilong yu na stori long hul wara i stap olsem wanem​​—bikpela bilong en, em i daun olsem wanem, na smel bilong en.

․․․․․

Ating Jeremaia i kisim wanem tingting taim “lek bilong en i go insait long dispela graun” malumalum? (Ritim gen ves 6.)

․․․․․

SKELIM I GO MOA.

Mekim wok long ol buk bilong Baibel na painimaut sampela save moa long ol hul wara long taim bilong ol man i bin raitim Baibel.

․․․․․

Ebetmelek i bilip strong long wanem samting na dispela i kirapim em long helpim Jeremaia? (Ritim gen ves 7-9.)

․․․․․

Bilong wanem na i no hatwok long ol ofisa na Ebetmelek long stiaim tingting bilong Sedekaia? (Ritim gen ves 5 na 10.) Dispela i soim olsem Sedekaia i gat wanem kain bilip? Bilong wanem yu tok olsem?

․․․․․

Long dispela stori, husat ol man i soim olsem ol i gat strongpela bilip na husat i no gat strongpela bilip? Bilong wanem yu tok olsem?

․․․․․

 3 MEKIM GUTPELA WOK LONG SAMTING YU LAINIM. RAITIM SAMTING YU KISIM SAVE LONG EN . . .

Strongpela bel.

․․․․․

Strongpela bilip.

․․․․․

Jehova i lukautim ol man i strong long bihainim tok bilong em.

․․․․․

Long taim i gat hevi, olsem wanem strongpela bilip inap helpim yu long mekim samting i stret?

․․․․․

 4 YU PILIM TRU WANEM SAMTING LONG DISPELA STORI BILONG BAIBEL? BILONG WANEM YU TOK OLSEM?

․․․․․

YU KEN RITIM SAMPELA NIUS MOA BILONG BAIBEL LONG INTENET LONG www.watchtower.org