Ol Tok Yu Ken Mekim Bilong Tilim Ol Nius

Wastaua Februeri 15

“Planti man i tingting planti long ol samting nogut ol man i bin mekim long nem bilong lotu. Sampela i ting lotu em i as bilong ol hevi bilong ol man. Sampela taim yu bin tingting long dispela? [Larim man i bekim tok. Ritim Kamapim Tok Hait 18:24.] Dispela nius i skelim tok Baibel i mekim long dispela samting.”

Kirap! Janueri​-⁠Mas

“Yumi kirap nogut long ol animal i save mekim sampela pasin i olsem ol i toktok long narapela. Tasol yu save olsem long sampela samting ol man i narapela kain long ol animal? [Larim man i bekim tok. Ritim Song 65:⁠2.] Yumi narapela kain long ol animal, yumi gat dispela laik long toktok wantaim God. Dispela nius i stori long olsem wanem yumi ken amamas long toktok gut wantaim God na ol man.”

Wastaua Mas 1

“Wanpela taim ol i askim Jisas olsem: ‘Wanem lo em i winim olgeta lo na i namba wan?’ Lukim bekim bilong em. [Ritim Mak 12:​29, 30.] Sampela taim yu bin tingting long wanem mining bilong dispela tok bilong Jisas? [Larim man i bekim tok.] Dispela stori ‘Rot Bilong Kamapim Pasin Bilong Yumi Long Laikim God’ i skelim mining bilong dispela tok.”